اسمعى ياستى
موضوع لايديز فيرست دا هيا قصه حصلت فى ايطاليا وهى بتنص على ان
كان فى قصة حب حصلت مابين واحد غنى اوى وبنت فقيره جدا وقعدو يحبو بعض
اكتر من سنه فراح الولد دا لاهلو عشان يقلهم انو بيحب البنت دى وعاوز
يتجوزها فقالهم قالولو ايه انتا بتستهبل لا
طبعا امال البت بنت خالتك دى هتروح فين هنبورها يعنى بقلك ايه انتا مش
هتتجوز الا البت سعاد يا اما سعاد يا اما مش هتتجوز خالص وانزلك تشتغل
معايا فى الورشه فالواد قالو يابابا لا يابابا انا عاوز نفيسه انا بحب
نفوسه يابابا قللو كدا طب غور فى ستين داهيه انتا وست نفوسه بتعتك
ووالنعمه لهحرمك من الورث ومش هتطول منى مليم احمر (مع انو مفيش ملاليم
حمر فى زمننا دا بس ماعلينا
)
فراح الواد هيثم للبت نفيسه وقالها بابا مش راضى يانفيسه اعمل ايه فراحت
البت قلتلو وحياة اهلك امال الواد اللى فى بطنى دا اوديه فين اوديه فين
يعنى
قالها خلاص مفيش حل غير اننا ننتحر قلتلو اشطه فراحو عند النهر فالبت
قالتلو انا هرمى نفسى قالها لا مقدرش استحمل اشوفك وانتى بترمى نفسك
قالتلو طب انتا وانا بعدك علطول فراح رمى نفسو ومات فالبت شافت المنظر
قالت انا هبله يعنى عشان ارمى نفسى وقامت رحعت البيت واتجوزت وخلفت وعاشت
حياتها عادى خالص شفتو الوطينه
ومن ساعتها وقرر الناس ان البنت هى اول من يقوم باى شىء
واللهى القصه دى حقيقيه بس طبعا باستثناء الاسامى وسعاد والحاجات دى
افتكاسات من عندى يارب تكون عجبتكو مستنيه ردودكو باااااااااااااى
