كيكة عيد الحب

لعمل اى سبونج كيك لعمل اى نوع من انواع التورتات

7 بيضات نفصل صفارهم عن بياضهم

بميزان المطبخ نوزن البيض اولا

وبنفس ميزان البيض نوزن سكر بودرة

وبنفس ميزان البيض نوزن دقيق منخول بدون اضافة اى باكنج باودر او اى خمائر

فانيلا....

ده اساس اى تورته سبونجى او معمولة من كيك اسبونج الا فى حالة واحده انها تكون شوكولاته ....

الطريقه الاساسيه لعمل اسبونج كيك لاى تورته :

نخفق اولا بمضرب كهربائى الصفار جيد جدا +فانيلا

نضيف له السكر البودر ونستمر فى الخفق لحد ما يتحول الى كريمة بيضه تماما .....

نضيف الدقيق ببطىء شديد جدا ولا نستعمل المضرب بمعلقة خشب كبيرة او كاوتشوك نقلب الدقيق معلقة معقله باتجاه الساعه ببطىء شديد جدا
عشان ما نسمحش للهوا اللى دخل بالخروج تانى ...

العملية دى يا تكون سبب نجاح الكيكه او فشلها خلوا بالكم

فى النهاية اخفقى البياض لوحده لحد ما يتحول لمارينج (يبقى زى القطن الهش)

نضيفه على الخليط السابق بهدوء شديد وتقليب بالمعلقه
لحد ما تصبح عندنا عجينه هشه جدا ....

فى القالب او فى صنيه نمسح قاع الصنيه او القالب بطحينة نمسح من كل اتجاه (دى احد اسرار مصرية )

ماتخافوش الطحينة بتمنع عملية التصاق الكيك تماما وكمان لا لها ريحة ولا بتاثر على الطعم جربوا الفكرة دى ....

ندخلها الفرن ويكون ساخن ...نهدي الحرارة قليلا ونضع الكيكه

وبعد ربع ساعة نهدي الفرن مرة اخرى .....
ولا نفتح الفرن نهائى ....من زجاج الفرن الحرارى نراقب الكيكه بتاخد حوالى نص ساعة سوا ....

نطفيء الفرن ونتركها عشر دقائق يعنى بلاش تخرج على طول من الفرن بتاخد برد وتهبط بسرعه ....

ثم نخرجها من الفرن ونتركها تبرد تماما....وياريت تكون قبلها بيوم عشان تنشف كويس وتبرد تماما ....

نقشرها كويس ونقسمها على حسب رغبتك اما لنصفين او ثلاثة على حسب التورته بتاعتك ......

ونبدأ عمل التورته ..

ده اساس لاى تورتة عادية باى نوع من التزين تبقى تورته فظيعه

ناخد على سبيل المثال التورته السهلة دى

تزيين سهل جدا بالكريمه والكريز او نعملها بالفراوله ونحشيها بنفس الحشو كريمه وفراوله ...وممكن نعمل سيرب او صوص من الفراوله نسقي بيه الكيك ..

وبالف هنا

طيب فى ناس ماعندهاش شكل قالب القلب او حلقات تعمل بيها الكيكه على شكل ...

لازم تروح تشتريها يعنى؟؟؟

لا مش مهم ابدا ..فى طريقة سهلة جدا ممكن تعملى بيها اى شكل
ومش لازم الاشكال والقوالب لو معندناش...

القلب ممكن نعمل اتنين كيكه ...واحده على شكل مستطيل والتانيه على شكل دايره

نقطع الدايره نصين ونكمل المستطيل من الجانبين تطلع لكم تورته على شكل قلب بالظبط ...........

هنا طريقة عمل كيك الشوكولاته عشان نعمل بيها اى تورته شوكولاته

6 بيضات

50 جرام سكر خشن

75 جرام سكر بودرة

150 جرام شوكولاتة خام

150 جرام زبده

150 جرام دقيق

)25 جرام كورن فلاور

فانيليا
للحشو
½ ليتر كريمة لبانى

100 جرام سكر بودرة

لتجميل وتزين الوجه

200 جرام شوكولاته خام

100 جرام زبده

مهم جدا عملية فصل الصفار عن البياض فى عمل التورتات

نخفق الصفار من 75 جرام بس من السكر البودرة

الخطو التانيه على حمام مائى دوبى 150 جرام من الشكولاته الخام ونسيبها لما تبرد تماما وبعدين نضيفها للصفار ببطىء شديد ولا ننسي عدم استخدام المضرب كله بالمعلقه الخشب او الكاوتشوك

ناخد ال150 جرام ذبدة وغالبا بيتكون باكو كامل
نخفقه كويس بالمضرب لحد ما تصبح شبه الكريمه تماما

وبعدين نضيفه للخليط السابق
يعنى اصبح عندنا الصفار مع السكر والشوكولاته وبعدين الزبده المخفوقه

وفى النهاية نخفق البياض لوحده مع اضافة 50 جرام من السكر الخشن خفق جيد جدا بالمضرب الكهربائى

ونضيفه على الخليط بخفه وببطىء شديد جدا وبرضه التقليب بالملعقه الخشب او الكاوتشوك

وفى النهاية نخلط الكورن فلاور او النشا على الدقيق ونضيفه ببطىء ملعقة ملعقة للخليط السابق وبالتقليب البطىء ..

كده اصبحت العجينة جاهزة للفرن فى القالب او الصنيه بقى عندنا كيكه التورته جاهزة للفرن...
نحشيها بالكريمه اللبانى المخفوقه بالسكر (تدينا كريم شانتي رائع)
ونزينها بالشوكولاتة بالزبده

بالمناسبه العجينة دى ممكن نعمل بيها جاتوه

وهى معروفه باسم

ساشير.....

يا شيخة كنت فاكرة انك هتجيبي صورة؟

الصور بح يختي ما فيش صور

زهرة متفتحة بقيت يا اخواتي
شوفوني ما احلاني

أنا حجربت طريقة كيك الشيكولاته
تسلمين ياويست
خلي بالك احنا بندخل ندور على الصور
أبقي جبلنا صور ماشي
خصوصاً فالاكل
هههههههههههههههههههههههههه

تسلم ايدك غاليتي

الله يعطيك العافيه خيتو على مجهودك

» كيكة الحب يالله بسرعة
» كيكة الفراولة
» كيكة البسبوسة الخليجية يمي يمي
» كيكة الكريم كراميل بالصور.....
» كيكة الجبنة بالتوت والشوكولاتة