مدونة فتفوته مالحة

السلام عليكم عزيزاتي الغاليات
انا ايمان من الاردن
عندي ولدين والحمد لله
الولد الصغير اسمه عمار
هدا الصبي حبيب البي
كتيييييييييييير حلو اسم الله عليه وروحي وحياتي وبحبه من كل البي
وعارف الازعر اني بحبه كتير الله يحميه ويرضى عليه
اما الولد الكبير اسمه اياس
الله يهديه مغلبني كتير
ولد مشاكس كتير ومجنني ومطلع عيني
واقول الصدق اني احيانا بحس اني بدي اطفش من البيت من وراه
بقول الله يهديه ويحميه
حياتي على العموم مريحه والحمد لله
امنيتي اني اشتري بيت كبير لانه بيتي صغير وخانقني بصراحة
اشتراكي بالمنتدى هدا غيرلي حياتي
حاسه انه قطعة مني
انشالله انه يكبر وينجح
واكيد رح ينجح بحسنا جميعا
وعلى فكرة كل الاعضاء الحاليين حبيبات البي
واخص بالذكر فتفوته مسكرة لانها صديقتي خارج المنتدى
هي فعلا نعم الاخت والصديقة
يا عمي عشرة 16 سنه
الله يسعدها ويوفقها بحياتها
لانها انسانه بمعنى الكلمة

انا مخنوقة هاليومين ما بعرف ليش
حاسه حالي حابة اطلع محل بعيد ما اشوف حدا من عيلتي
يمكن لانه اولادي مشاغبين ومعزبيني
يمكن لانه بيتي زغير علي وخانقني
يمكن لانه برمضان الوقت قليل وما في وقت تطلعي وتيجي بعد الفطور يعني حبسة
ما بعرف والله شو السبب
مع اني يعني الحمد لله عم بقرا قران وبصلي تراويح
وصابرة بالصيام يعني الله مصبرني الحمد لله
الله يفرجها علي ويحميلي اولادي واولاد المسلمين

انا الحمد لله اليوم نفسيتي احسن مع انه ما في شي تغير
بس لازم الواحد يتعايش مع ظروفه ازا ما تمكن من التغيير
وبرضه اللي بقوله انه الحمد لله نحن احسن من غيرنا بكتير
فتوح المدارس خفف عني شوي الولد بيرجع مهلوك نوعا ما يعني خفت ازعاجاته
يا ربي سلم سلم

مسكين ابني خايفه عليه كتير من كتر ما بحكي عنه ومزعوجه منه
بقول لو لا قدر الله صار له شي بيجوز بموت
يا لطيف الله يحميه ويهديه

اليوم فقت من النوم مرتاحه مع انه ما في اشي جديد
بس بقول الحمد لله انا وزوجي واولادي بخير يبقى الحمد لله
رمضان هالسنه اله طعم غير عن السنوات اللي فاتت
عندي احساس روحاني جميل وحاساه انه مش مؤقت بس برمضان يعني حاسه انه رح يدوم معي حتى بعد رمضان ان شاء الله
اليوم المسكرة صبحت معي على المسنجر وبالمنتدى كتير فرحت كتير لانها عادة بتتاخر بالنومه يمكن هدا سبب سعادتي
الله يسعد اوقاتها دايما
والكلمة اللي بحب اقولها دايما
الحمد لله رب العالمين

اليوم جوزي معزوم عند اخوه وانا ما رح روح معه
وعازماني مرة ابي مش عارفة اروح ولا لأ

هييييييييييييييييييه...............اصبحنا واصبح الملك لله
نفسي احس لما افيق من النوم اني مو نعسانه
دايما نعسانه
ولازم افيق كتير بكير لحتى لبس الصبي وفطره وجهزه للمدرسه
اكتر شي بيزعجني انه الباص تبع المدرسه مو ملتزم بوقت محدد ولما يوصل بيضله يزمر بصوت عالي ومتواصل بيصبح يقهرني على الصبح
واكتر شي بيضحكني على حالي انه بيضل عشر دقايق معي لحتى قوم وجهز حالي للدوام فبروح بنام فيها هههههههههههههههههههههههه كسبه يعني بكسب شي عشر دقايق نوم
رجعنا هلا لنظامنا العادي ودوامنا للساعه خمسه
بس يالله تاقلمنا على هالحياة
مبارح تحاكينا كتير انا وام مكين بامور الحياة
كتير استمتعت معها فعلا انسانه فهمانه وخبرتها كويسه بالدنيا وهي بوسه لام مكين مواااااااااااح
ما بعرف مالي فاقدة روزة هالايام يمكن مشغوله بالدراسه
والزعرة مسكرة ما وفت بوعدها انها تفيق بكير كل يوم وتقعد معي على المنتدى
يالله الله يسامحها ويديم اللمة الحلوة

خير اللهم اجعله خير قبل شوي وانا عم بتجسس على موضوع البت وست عرفت انه ام اروى رايحة تشوف شقه والله فرحت ان شالله تتيسر امورها
انا مرات بسال حالي مين ام اروى ومين وست ومين مانو ومين روزة ومين رنا ومين ومين ومين
ليش انا بحب اشوف كتاباتهم وارائهم
ليش انا بفرحلهم كتير لما بيفرحوا
ليش بزعل عليهم كتير لما بيزعلوا
ليش بزعل منهم كتير لما بطنشوني وما بيسالوا فيي؟؟؟؟؟؟؟؟؟؟؟؟؟؟؟؟؟؟؟
مين ام مصعب اللي قلبي محروق عليها ؟؟؟؟؟؟؟؟اولا لانها تركتنا....وتانيا لانها تعبانه

غريبه واللهي غريبه


انا ع فكرة كتير مبسوطه لانه تعلق اسمي وموضوع من مواضيعي بلوحة الشرف

هدا رح يخليني اتشجع اكتر واحس بالمسؤوليه اكتر تجاه المنتدى
وبعدين على راي الفنانين

هدا النجاح بقى يخوفني اوي لاحسن مش عايزة يقل مستوايا ويبطل الجمهور يحبني هههههههههههههههههههههههههههه
ما بعرف شو قصتها روزة ليش هيك صايرة مكتئبه انا متضايقه عشانها كتير

اتجسسى ياختى اتجسسى
اه وماله
و بعدين مش عارفة مين وست
ليه كده
مش كان العشم تعمل كده يا حسين

مش عارفاكي واللهي
انتي مين يا بت
وبتكلميني اصلا ليه مش عارفة انا

مش عرفانى
ليه كده
ما احنا كنا حلوين
هنقلب على بعض ليه ؟؟؟؟؟؟؟؟؟؟؟

ولا عمري شفتك

اليوم كان البي رح يوقف
صبحت من الصبح ما رضي المنتدى يفتح معي
وحكت معي سكرة وكوكي
برضه ما عم يفتح معهم
وقف البي وتوجعت كتير
المنتدى غالي كتير علي
بس ما كنت عارفة انه غالي هلقد علي
ما كنت اعرف انه البنات غاليين كتير وما بقدر اغيب عنهم
طب ازا سكر المنتدى في كتير بنات ما عندهم مسنجر
خلص يعني ما عاد نشوفهم
من الساعة 8 للساعة يمكن عشرة ونص وانا عايشه بدوامة
اعوذ بالله من هالافكار
يا رب يديم علينا هالمنتدى العسل ويرجعلنا ام اروى ام دم تقيل دي

اسبوعين كاملين غبت عن المنتدى عشت فيهم فترة مريحة حزينه

حزينه لاني بعدت عن البنات ومناقراتنا الحلوة كتييييييييييييييييييييير

ومرتاحة من الشغل
اينعم كنت ادرس ابني بس كنت اطلع بايات وييجي عندي ناس
هادي الحياة الاجتماعية اللي انا مفتقداها بسبب شغلي الطويل كل نهاري مقضياه بالشغل يعني مدفونه بالحياه

عفكرة مفكرة جديا اني اترك الشغل لارتاح

بس رح اركب نت بالبيت اكيد ان شالله

ياحبيبة قلبي كيف حالك والله اني كتير مشتاقلكم ياعسل
وكيف قدرتي تبعدي عنا ياسكره ياعسل ياقشطه يامالحه بحبك كتير والله بموت فيكي

حبيبتي انتي يا ام مرام والله بموت فيكي
يا حبي انتي لا تغيبي عنا لاحسن الاشباح كلت وشنا