كنت باعانى من خشونة وجفاف فى الكعبين وجربت كريمات ومراهم وتراكيب ب الهبل وبرضه مفيش فايدة زهقت وقولت خلاص انا مش هاعمل لهم حاجةعايزين يطروا يطروا من نفسهم مش عاوزين براحتهم هم حررين وبعدين قولت اجرب حاجة
عايزين تعرفوها
تدفعوا كام
خلاص هأقولكم عليها
الطريقة:
بدفى مية وبتحطى عليها م ك خل ابيض وبتنقعى فيها رجليكى لمدة ربع ساعة
طلعى رجليكى ونشفيها كويس
ادهنى فازلين وياسلام لو جبتى كبسولات فيتامينeوتفضيهم على الفازلين وتقلبى كويس
وتدهنى طبقة فازلين على قدم رجلك كلها
وتجيبى نقطة زيت عطرى وتدهنى رجلك
وتجيبى ورق النايلون بتاع لف الاكل وتلفى رجلك بيه
وتلبسى شراب قطن ابيض
وتدخلى تنامى
واصحى الصبح شوفى الفرق
حتلاقى فرق فى اللون والملمس وريحة حلوة اوى
على فكرة الطريقة دى انا باستعملها كل 3ايام ودة علشان نتيجتهابدوم كتير حتى لو بليتى رجلك10مرات فى اليوم
مجربة