- ريهام يوسف كتب:
- طيب يا شاطرة اذا كانت نظريتك صحيحة .. ممكن تفسريلي حاجتين ؟؟!!!!
ليه ممكن ان يكون فيه بينا وبين شخص معين عداوة بعدين نحبه ؟؟ بما ان النظرية بتقول ان حب الشخص يتكون عندك فى مراحل حياتك !!!
كمان ليه ممكن نحب شخص وبعد ما نعرفه ونعرف اخلاقه نكرهه يعنى ليه الخلايا بتاعتنا ما قلتلناش ساعتها ان الشخص ده مش هو المناسب لينا ؟؟
بصى يا ريرى احنا ممكن نحب الشخص بعد عداوته لاننا ممكن نكون فاهمينه غلط او حصل سوء تفاهم فى البداية او لاحطنا فيه حاجة مش عجبتنا فى البداية فاتكون انطباع خاطئ لكن لما عشرناه او عرفناه عن قرب اتصلحت نظرتنا فيه
وعلى فكرة مقولة الانطباع الاول يدوم دى نظرية وقتية بمعنى ان ممكن الشخص تاخدى عنه فكرة وحشة فى البداية ولما تعرفيه ممكن يثبت لك العكس و يبرر كمان هو اتصرف ليه كده و معاه اسبابه
و كمان سؤالك ليه نحب شخص و كمان بعد الحب يطلع مش مناسب برده هقولك ده ممكن يكون سوء تفاهم
انتى حبيتيه علشان موقف معين عجبك او صفة حلوة عجبتك مش عرفتى كل صفاته او لانك عايزة تحبى الشخص ده بصرف النظر عن ايه اللى جواه وعلى فكرة ده اللى بيحصل فى الجوازات الايام دى
بمعنى ان البنت تحب الشخص جدا و يتفقوا على الزواج لكن عارفة هم عرفوا بعض سطحيا بس لكن مش تغلغلوا جوة بعض بمعنى اصح مش عاشروا بعض
وانتى اكيد عارفة المثل المصرى اللى بيقول تعرف فعلان اه اعرفه عاشرته لاء تبقى ماتعرفوش
عرفتى بقى و على فكرة الفكرتين او السؤالين دول بيكملوا بعض لدرجة كبيرة و بيصبوا فى قالب واحد
تسلمى يا ريرى يا قمر و اسفة على الاطالة
