مدونة فلفل شطة

احلا سلام لاحلا منتدى
انا اسمي ماجدة .ممرضة وبحب شغلي كتير
نشات في عيله مافيها الا الام لانو ابي توفى لما كان عمري 16 سنة كتير كنت احبه وماعمري شفت اب بها الدنيا احن منه عم يتقطع قلبي وانا عم بكتب المهم الله يرحمه
امي الله يخليلنا اياها حملت كل المسؤولية بعد وفاته صارت الام والاب وانا بخاف كتير عليها حتى اني بتمنى ان يومي يكون قبل يومها الله يعينها الحمل الي حمليته بيهد جبال بس الحمد لله ربنا ساترها معنا
كبرت وتوظفت وتزوجت وزوجي ممرض زيي اخدنا بعض عن حب هو كتير حنون بس عيبه انه بيعصب بسرعة بس بيهدى وبيصير زي الاطفال بيحبني وبغار علي كتير
عندي ولدين الكبير حمزة زالتاني محمد الله يحفظهم ويخليلي اياهم ويرضى عليهم ويبعد عنهم المرض وولاد الحرام ويهديهم ويجعلهم من البارين الاتقياء متمسكين بدينهم
انا كتير بحب الفرح والمرح واكتر شي بكرهه الكآبة
اكتر مميزاتي البارزة اني بحب الحكي
ولنا لقاء في الغد ان شاء الله

يا رب يخليلك امك يا رب وتعزميها على فرح اولادك
يا واد يا بتاع الكلام

ههههههههههه
يا واد يا راغاى يا حراق
ربنا يخلى لك اولادك ومامتك يارب

مرحبا من جديد
كتير بتمر على الانسان ايام صعبة بيتمنى انه ما يكون نولد متل اليوم
كنت الصبح اموري تمام والحمد لله وفجاة صارت شغلة خلتني اكره حالي
ياترى الانسان عشان يعيش سعيد لازم يكون اناني مابيفكر الا بنفسة
ليش ناس هالايام بطلت تستوعب انو غيرهم بشر الهم حقوق زي ماعليهم واجبات وهمه مش ملائكة منزهين عن الخطا
ليش دايما علي اتفهم مزاجية الاخرين وانا مو من حقي ازعل او حتى اشكي ؟؟ ولا لاني طيوبة والله مليت اكون طيوبة
اسفة كتير بس حاسة روحي رح تطلع فحبيت افضفض شوي وفعلا ارتحت

اليوم انا كتير مبسوطة لان الجو شتى كتير بحب الشتى لدرجة العشق
لان الشتى رمز الخير والعطاء
بحس ان المطر عم يغسل النفوس ويطهرها من كل الاحقاد والكراهيات
بيكفي انها جاية من السما حتى تعطي الحياة وتعطي الامل بالغد الاحلى والانقى
تعطي التفاؤل والسعادة
واحلى شي لما تروحي على البيت واواعيكي منقعين مي وعم ترجفي من البرد هادا الشعور انا بموت فيه
بركض عالدفاية بسرعة لحتى الزق فيها ومابتزحزح من مكاني الا بس ادفى تمتما حجة لحتى ارتاح من المسؤوليات القادمة
زمان كان سقف بيتنا من زينكو يعني حديد صاج واحلى شي صوت حبات المطر وهي عم تنقر عليه وياحبيبي لما يكون برد هديك الليلة مافي نوم بس عن جد كانت اروع ايام حياتي
مع تحيات عاشقة الاحلام الشتوية

هههههههههههههههههههههههههههههههههههههههههههههههههههههه