يسم الله الرحمن الرحيم
ابدا معاكم منين منين منين
اقول لكم على اسمى الحقيقى اسمى رانيا
عندى 25 سنة
متزوجة ومعنديش اولاد
ادعولى ربنا يدينى ويدى كل واحدة
ابدا ليكم من فترة الحضانة
تصدقوا انى لسه فاكرة المرحلة دى والله العظيم اكنها لسه الاسبوع اللى فات يمكن عشان اصحابى من الحضانة لحد دلوقتى او البوم الصور بيفكرنى مش عارفة
كانت ايام جميلة اوى اوى مكنش فى البان دماغ ولامسئولية لاى حاجة كل اللى بتعمليه اللعب وخلاص مكناش شايفين الدنيا كدة كنا شايفنها لعبة فستان جديد جزمة جديدة مصاصايه ههههههههههههههههه حاجات العيال دى
كنت باروح الحضانة مشى رايح جى علشان كانت جنب البيت وطبعا كان معايا شنطة فيها ايه ايه
حتقولوا فيها فيها فيل حاقول لكم لا فيعا كراسة سطور واسعة وكراسة مربعات والوان خشب علشان هدومى متبوظى وقلم رصاص واستيكة وبراية ومسطرة وطبعا اللى لايمكن اروح من غيرهم الشاندوتشات وزمزمية المية
حلوة الايام دى كانت
خلاص خلاص انا عرفت انتوا دلوقتى بتقولوا اية كل الرغى دا فى الحضانة امال فى الجامعة بقى حتعمل اية هههههههههههههههههههههه
معلش اصلى بحب الفترة دى اوة بحس فيها بالبراءة
ويالله بقى كفاية كدة انهاردة واكملكم المرة الجاية مش حاتاخر عليكم
استودعكم الله
